Իդեալական ներկա

Ի՞նչ կլինի, եթե լքված  պապիկների և տատիկների հետ ապրեն մանկապարտեզի երեխաները: Սեր:

Ինչպես է ապրում սերը

Ֆրանսիական հետաքրքրաշարժ անիմացիան հրաշալի երաժշտության  ուղեկցությամբ պատմում է երկու կերպարների մասին, ովքեր սիրում են իրար: Այս հրաշալի մուլտֆիլմը պատմում է, թե ինչպես են երկու էակները փոխվում՝ աստիճանաբար հեռանալով իրարից: Սակայն, մենք հո գիտենք, որ ամեն մի ավարտից հետո գալիս է նոր սկիզբ: Այդպես չէ՞: Նայեք և կհամոզվեք, որ այդպես է:

Արեգ Գալոյան

Նախագծային ուսուցում. դժվարություններ, առաջարկներ

Ուստարին հաջող էր մեզ համար, որովհետև սկսեցինք Ֆիլմադարան նախագիծը:

Առավելություններ

Դժվարանում ենք ասել՝  գործնական քերականության վարժությունները և գրականագիտական առաջադրանքները որքանով են մեզ օգնում, բայց որ այս նախագծի շնորհիվ զարգանում և հարստանում են ինչպես մեդիահմտությունները, այնպես էլ  բանավոր և գրավոր խոսքը, դա փաստ է։

Դժվարություններ

Մեզ՝ որպես նախագծի անդամների, խանգարում է ինտերնետի արագությունը և որոշ հարկավոր կայքերի արգելափակումը:

Առաջարկներ

1. Մենք առաջարկում ենք նոր ուստարում ստեղծել առանձին սենյակներ՝  նախագծային աշխատանքի համար:

2. Աշխատասենյակներում լինի համեմատաբար ավելի արագ ինտերնետ:

3. Արգելաբացվեն անհրաժեշտ կայքերը:

Ինչպես ենք մենք աշխատում

Մեզ շատ է դուր գալիս աշխատել նախագծի վրա։ Ֆիլմերը թարգմանում ենք շատ հեշտ, բարդություններ ընդհանրապես չեն առաջանում։ Ուզում ենք անպայման նշել, որ աշխատում ենք հավեսով, սիրով ու հաճույքով։ Ֆիլմերը նայելուց և միասին քննարկելուց հետո որոշում ենք, թե ինչ ֆիլմ տեղադրենք mskh.am-ում։ Ֆիլմը ընտրելիս աշխատում ենք, որպեսզի այն համապատասխանի շաբաթվա օրացույցին։ Ֆիլմադարանոմ տեղադրում ենք ինչպես ուսումնական, այնպես էլ ժամանցային ֆիլմեր։ Շատ ենք ուզում, որ մեզ դիտողը չձանձրանա։

MSKH Films

Տիկինը և Մահը

«Տիկինը և մահը» ֆրանսիական մուլտֆիլմը 2010թ.-ին արժանացել է Օսկարի: Պատմում է մի ծեր կնոջ մասին, ով կանգնած է մահվան դեմ հանդիման: Եվ ահա մի գիշերը մահը գալիս է նրա հետևից, կինը համակերպված համաձայնվում է: Մահն ու կինը մոտնենում են մահվան դարպասին, երբ հանկարծ բժիշկներին հաջողվում է վերակենդանացնել կնոջը: Մահն ու բժշկները կռվում են կնոջ կյանքի համար: Իսկ, թե ինչ է լինում հետո՝  դիտեք մուլտֆիլմը և կիմանաք:

Հրաշալի մուլտֆիլմ է:

Արեգ Գալոյան

Էննի

Հաջողակ բիզնեսմեն Բենժամեն Ստակսը գոհ է իր կյաքից, նա հասել է մեծ ֆինանսական հոջողությունների ու երազում է մտնել քաղաքականության մեջ: Նրան ամենաշատը մտահոգվում է իր նախընտրական ծրագիրը, որի համաձայն պետք է դառնա Նյու-Յորքի քաղաքագլուխ: Բենժամեն Ստակսը չէր էլ կարող պատկերացնել, որ իր նախընտրական քարոզարշավի ընթացքում ճակատագիրը իրեն կկապի տասնամյա որբի՝ Էննի հետ, ով կփոխի ապագան:

Ֆիլմը այստեղ

Արեգ Գալոյան

Մենք

«Մենք» սովետական ֆիլմը, որը նկարահանել է Արտավազդ Փելեշյանը, չի պարունակում որևէ խոսակցություն: Կա միայն երաժշտություն: Ֆիլմը լիքն է գաղտնի իմաստներով և պատկերների միջոցով ցուցադրվող փոխաբերական իմաստներով: Ֆիլմում առկա են շատ հետաքրքիր և հուզիչ կադրեր, որոնք ոչ միշտ են հասկանալի: Ֆիլմում կա մի շատ յուրահատուկ կադր. աղջիկ, ով փրկվել է ցեղասպանությունից: Ես գոնե այդպես հասկացա: Ֆիլմը հպարտ վերջաբան ունի: Ավարտվում է հպարտ լեռների տեսարանով: Կարծում եմ՝  մենք հենց այդ լեռներն ենք, ովքեր անկախ ամեն ինչից, ապրում են ու շարունակում են մնալ կանգուն, ինչպես լեռները:

Արեգ Գալոյան

Հոմո-Պոլիտիկուս

«Հոմոպոլիտիկուս» ֆիլմը, որը նկարահանվել է թուրք ռեժիսորի կողմից և նվիրված է Հայոց ցեղասպանությանը:

Ֆիլմի շնորհանդեսը եղել այս տարվա ապրիլի 12-ին: Ահա հատված ֆիլմից:

Արեգ Գալոյան

Հիսուս Քրիստոս գերաստղ

«Հիսուս Քրիստոս գերաստղ» ֆիլմը լեգենդար ռոք-օպերայի ֆիլմային տարբերակն է՝ նկարահանված ներկայացման պես: Այս ֆիլմը պատմում է Հիսուսի կյանքի, ապրումնների մասին՝  գեղեցիկ երաժշտության և հրաշալի վոկալային կատարումնների ուղեկցությամբ: Նկարահանումները տեղի են ունեցել քարքարոտ, հողային տարածքներում: Չնայած ֆիլմի հնությանը, այն համարվում է դասական, որովհետև նկարահանվել և կատարվել է շատ գեղեցիկ կերպով: Շատ չպատմեմ, որպեսզի դիտումը լինի ավելի հաճելի, առաջարկում եմ վայելել ֆիլմը: Հա, ես շատ եմ հավանում այս ֆիլմը:

Արեգ Գալոյան

 Ֆիլմը դիտեք այստեղ:

Հատված ֆիլմից

Հիմա դու ինձ տեսնում ես

<<Հիմա դու ինձ տեսնում ես>> կրիմինալ, թրիլլերի սյուժետն այսպիսն է, չորս փողոցային տաղանդավոր իլյուզիանիստ- Ջեյ, Հենլի, Ջեկ և Մերրիտան միացնում են իրենց ուժերը, և կազմակերպում ապշեցուցիչ ներկայացումները քաղաքի ամենագեղեցիկ բեմերի վրա: <<Չորս Ձիավորները>> ցուցադրում են այնպիսի հնարքներ, որոնցից հանդիսատեսը պարզապես ապշում է: Ձիավորների ամենագլխավոր հնարքը բանկի թալանումն է, հենց հանդիսատեսի աչքերի դիմաց, բայց որի ընթացքում բոլոր չորս իլյուզանիստներն գտնվում են բեմի վրա…:

Ֆիլմը դիտեք այստեղ:

Թութսի

Գլխավոր հերոսի կյանքը <<Թութսի>> ֆիլմում ոչ ամենահաջողակն է, դերասան Մայքլ Թորսին բաժանվում է մասերի, նա երկար ժամանակ է՝ ինչ անգործ է, նրան երբեք չեն ընտրում նրա՝ իր մասին մեծ կարծիքի պատճառով: Գումարը այնքան քիչ է, որ նույնիսկ նա չի կարողանում վճարել տան և ուտելիքի համար: Մի օրը Մայքլը իմանում է, որ նրա մոտ ընկերուհի Սենդին չի անցել քասթինգը հայտնի <<Հարավային հիվանդանոցը>> սերիալում: Պատճառը այն է, որ նրանք ուզում էին կին, որը կլինի ուժեղ և առնական…

Ֆիլմը այստեղ: